NOZVEZH CINEMA : Bredan ha sekred Kells
Skignet e vo ar film “Brendan ha sekred Kells” e brezhoneg da-geñver diskouezadeg Gigi Le Merdy. Al livourez ha hec’h oberennoù diskouezet zo awenet-kaer gant Levr Kells.
Brendan, un deskard manac’h 12 vloaz, a zo o vevañ gant un eontr kriz en abati Kells. Er savadur ez eus kalz a venec’h eilskriverien hag enliverien. Brendan en deus hunvreet dont da vezañ enliver. Met un dra pouezus ha mallus a zo evit an abad Cellach : stourm ouzh ar Vikinged.