Sonadeg : an daouad Egin

Kanaouennoù skrivet ha kompozet gant Mael Guego (gitarour) ha Kaourintin Davay (kaner). Kanaouennoù a-vremañ, dous hag eeun, gant from. Levezonet eo sonerezh Egin gant ar folk amerikan hag ar blues. Kontañ a ra ar c’hontadennoù brezhonek diwar ar gevredigezh, al liammoù etre an dud, ar fromoù hag ar vuhez personel. Skeudenn daou baotr yaouank, daou gamarad.