Mizvezh ar Brezhoneg : Dazont ar brezhoneg & raktres 1000 familh

Mazeaz ar Brun, un tad yaouank a zesav e vugale e brezhoneg a ginnigo deomp e raktres “difi ar 1000 familh”. An difi uhelek-se a respont d’un ezhomm pouezus-bras : adstaliañ ar brezhoneg er familhoù evit ma ne chomfe ket yezh ar skol hepken.

Evit komz deomp eus ar strategiezhioù liesseurt evit advuhezekaat ar brezhoneg e teuio Visant Roue eus Ofis Publik ar Brezhoneg da zegas e vailhoni.